Орталық Азияға жататын Қазақстан, Қырғызстан, Өзбекстан, Түрікменстан және Тәжікстан елдерінен келген маңдайалды каратэшілер екі күн бойы өзара шын мықтыны анықтады.

Орталық Азия чемпионы атан­ғандар –

Ринат Сағандықов (67 келі, ересектер) пен

Андрей Ақтауов (55 келі, ересектер).

Чемпионаттың күміс жүлдесіне

Тұрар Аманжолов (52 келі, кадеттер) пен

Тәуекел Серікбаев (70 келі, кадеттер) ие бол­ды.

Қола жүлдеге қол жеткізгендер –

Зари­на Жалғасбаева (50 келі, ересектер),

Әлихан Қазе­нов (68 келі, юниорлар) және

Жомарт Шатаев (68 келі, юниорлар).

Чемпионат барысында AKF төрешілер алқа­сының төрағасы Патрик Лим Жин мыр­заның қатысуымен халықаралық төре­шілер семинары болып өтті.

– Бұл чемпионат қазан айында Астана қаласында өтетін Азия Кубогына іріктеу сыны болды, – дейді жекпе-жектен маман­дан­дырылған балалар- жасөспірімдер спорт мектебінің директоры Орынбай Майкеев. – Сонымен қатар 20 шілде күні Ринат Сағандықов Колумбияда өтетін Бүкіләлемдік Ойындарына аттанады.

Ол додаға әлем бойынша рейтингте алдың­ғы орындарда тұрған спортшылар ғана қатыса алады.

Ринат Сағандықов – ол сын­ға қазақ елі атынан түсетін бірден-бір каратэші.

Ринатқа сәттілік тілейміз! 

БҮКІЛӘЛЕМДІК ОЙЫНДАРЫНЫҢ САЙТЫ